Políticas interculturais no Estado do Tocantins: em que medida os processos próprios de aprendizagem e a organização social do Povo Akwẽ são acionados na educação escolar indígena?

Abstract

Hêsuka Akwẽ nĩm rommãdkâ wa, kãtô ktâwankõ nĩm rommãdkâ wa kri rowahtuzem wa aimõ sissu nẽmr pibumã, it samãr wahiku pibumã watô krêwi snã kmãdâk, kãtô ĩt kuikre pibumã dure, are ponkwanẽ hã romkmãdkâ Akwẽ tê kãtô ktâwankõ tê aimõ itkmã sdakbâ pibumã. Tanẽmmẽ, wazatô kuikre it tmã ropibui snã nhanẽ aimõ romkmãdâ kuitab snã krhêmba mnõze Akwẽ kmã, wawẽ aimõ waptem mã warã wamhã romkmãdkâ mnõ krê rowahtu nõze dure it wasku pibumã. Tazi watô, aimõ krêwirê kmãdâk, wa, kãtô bdâ ssõre it wahibu, kri rowahtuze dazakru Kâ wrakurerê krãinisdu / Brejo Comprido nã ĩwamtrê wa, tahã dazakru kãtô krêwim hã dazakrui wadi mnõ, tahã it smĩstu tô ĩt tmã ropibui pibumã ĩt kuitre pibumã hêsuka wa. It sdakbâ nõrĩ tô ĩptokrda, wawẽ, kãtô hêsuka nã rowahtukwai nõrĩ. Are tetô aimõ rowahtukwai nõrĩ romkmãdâ sissu nẽmr pibumã kuzurkw. Are wawẽ nõrai sim romkmãdkâ wa aimõ psê zawre kõd Akwẽ nĩm romkmãdâ sikusbimrã pibumã ktâwankõ tê tmẽ, rowahtukwai nõrai kmã têtô dure wawẽ nõrĩ aimõ kmã sabu Akwẽ nĩm romkmãdâ adu tê samãr wahiku psê mnõ kõpra zatô aimõ romkmãdkâ twi snãsikutõr kri rowahtuzem wa. Are Akwẽ nõrĩ, dasiwawi mnõ bâ romkmãdkâ mnõ krê wasku mnõ kõdi dure, tmã sawi mnõdi, siwakru kõdi aimõ dure romkmãdkâ wasku hã. Twa, tô aimõ kbure Akwẽ nõrĩ sissum snã romkmãdâ hêsuka nãhã têkmãdkâ prêwamsi zatô psê snã aimõ romkmãdâ mõ, tetô aimõ dure dasipra re zawre nõmr, tô aimõ kbure snã kmã dasiwapar wa kãtô kmãdasidur mnõ wa zatô aimõ kri rowahtuzem wa psê snã rowahdu nõmr